Abschließend zum Thema Urlaub
eine Frage des Heimatdichters
Otto Gotthilf Groß (1914-1987),
geb. in Lehenweiler:
Dr wel hot reacht?
I be dr Gscheitst em Oart:
I hau mein Gaarta gschoart,
hau meine Bömla putzt,
hau Büsch on Hecka gschtutzt,
hau Stoa on Boda g’karrt,
i hau mei Lebtag äweil gschafft on gspart,
i bsieh koa Wirtshaus on i raucha et,
i bleib drhoam, en Urlaub fahr i net.
Zweag haon-i Grond on Boda on a oages Haus,
on’s Geld goht mir solange e leab et aus!
Drom mit oam Woart:
I be dr Gscheitst em Oart!
I be dr Gscheitst em Oart:
Deam ghairt dr Dippel boahrt
Mo heit no übrech schafft.
I schon mei bißle Kraft.
Moascht i vorrenk mr Kopf on Had?
Em Feierobed lieg-e nom a d’Wad.
I faulenz, fahr en Urlaub wann mrs gfällt!
I spar et, i vorleab mei bißle Geld
ond ohne oages Häusle kan-e bärech sei,
mir fresset d’Mäus en d’Äcker koane Löcher nei!
Drom mit oam Woart:
I be dr Gscheitst em Oart!
Aus: Groß, Spot em Johr, 1988, S. 69